Türkiyədə benzin və dizel ucuzlaşır

Sabahdan etibarən Türkiyədə benzin və dizel ucuzlaşacaq.

OilGas.az türk KİV-lərinə istinadən xəbər verir ki, bu barədə Türkiyə Neft Məhsulları Həmkarlar İttifaqı (Petrol Ürünleri İşverenler Sendikası – PÜİS) məlumat verib. Məlumata əsasən, çərşənbə günündən etibarən dizelin qiymətində 17 kuruş (təxminən 0,08 AZN), benzinin qiymətində isə 11 kuruş (təxminən 0,05 AZN) ucuzlaşma olacaq.

Ucuzlaşmadan sonra İstanbulda 1 litr benzinin dəyəri orta hesabla 5,54 TL (təxminən 2,50 AZN), 1 litr dizelin dəyəri isə 4,97 lirə (təxminən 2,25 AZN) təşkil edəcək.

Xatırladaq ki, ötən həftə benzinin qiyməti 16 kuruş (təxminən 0,07 AZN) ucuzlaşmışdı.