Türkiyədə benzin ucuzlaşdı

Bu gün səhər saatlarından etibarən Türkiyədə benzinin qiyməti azalıb.

OilGas.az türk medisına istinadən xəbər verir ki, 1 litr benzinin dəyəri 16 kuruş (təxminən 0,07 AZN) ucuzlaşıb. Endirimdən sonra Ankarada 1 litr benzinin dəyəri orta hesabla 5,85 lirədən ucuzlaşaraq 5,69 lirəyə bərabər olub. İstanbulda benzinin 1 litrinin dəyəri 5,79 lirədən 5,63 lirəyə, İzmirdə 5,81 lirədən 5,65 lirəyə düşüb.

Xatırladaq ki, Türkiyədə benzinin qiyməti sonuncu dəfə yanvarın 25-də 12 kuruş (təxminən 0,05 AZN) bahalaşmışdı.