“Total” hasilatı və gəlirlərini artırdı

2017-ci ilin ilk yarımilliyində Fransanın “Total” neft şirkətinin xalis mənfəəti 4,806 milyard dollar təşkil edib.

OilGas.az xarici mediaya istinadən xəbər verir ki, bu ilin ilk 6 ayında şirkətin xalis mənfəəti ötən ilin analoji dövrü ilə müqayisədə 28,54% artıb. Hesabat dövründə “Total” şirkətinin mədaxili 15,76% yüksələrək 81,098 mlrd. dollar təşkil edib.

Bu ilin ikinci rübündə şirkətin xalis mənfəəti 4,3% azalaraq 2,027 mlrd. dollara bərabər olub. Sözügedən dövrdə şirkətin mədaxili isə 7,26% artaraq 39,915 mlrd dollar təşkil edib.

“Total” şirkətinin neft məhsullarının satışı ikinci rübdə olduğu kimi ilk yarımillikdə də 2% aşağı düşüb. Şirkət bunu 2016-cı ildə Türkiyədəki yanacaqdoldurma məntəqələri şəbəkəsinin satışı ilə izah edir.

2017-ci ilin ilk yarımilliyində şirkətin karbohidrogen hasilatının ümumi həcmi gündəlik 2,534 barel neft ekvivalenti təşkil edib. Bu isə ötən ilin analoji dövrü ilə müqayisədə 3% daha çoxdur.

2017-ci ilin yekununda “Total” kabohidrogen istehsalını 4%-dən çox artırmağı planlaşdırır.

OilGas.az