TAP-ın tikintisi 1 aylıq dayandırılıb

Trans-Adriatik Qaz Boru Kəməri (TAP) layihəsinin Albaniyadan keçən hissəsində aparılan tikinti işləri zamanı qədim yaşayış məskəninin izləri aşkarlanıb.

OilGas.az xəbər verir ki, qalıqlar Korçe vilayətinin Turan kəndi ərazisində tapılıb.

TAP-ın ekspertlərinin qiymətləndirməsinə əsasən, tapılan əşyalar eramızdan əvvəl X-IX əsrlərə məxsusdur. Layihənin podratçı tikinti işlərini dərhal dayandırıb. Tapıntılar barədə Albaniyanın Arxeoloji Xidmət üzrə Agentliyinə məlumat verilib. Hazırda alban arxeoloqlar tərəfindən ərazidə qazıntı işləri aparılır. Bildirilir ki, tikinti işləri azı 1 ay yubanacaq.

TAP-ın tarixi irs üzrə baş məsləhətçisi Nil Ferbern bildirib ki, konsorsium tarixi və mədəni irsin qorunmasına olduqca böyük əhəmiyyət verir. (APA)

OilGas.az

409 baxış
BƏNZƏR XƏBƏRLƏR
MÜZAKİRƏ