SOCAR neft dağılmalarına müdaxilə üzrə mərkəz yaradacaq

SOCAR neft dağılmalarına müdaxilə üzrə mərkəz yaradacaq

Azərbaycan Dövlət Neft Şirkəti (SOCAR) neft dağılmalarına müdaxilə mərkəzinin yaradılması üzərində işləyir.

OilGas.az “Report”a istinadən xəbər verir ki, bu barədə Bakıda keçirilən “Xəzər regionunda quruda və dənizdə neft dağılmalarına nəzarət” adlı tədbirdə SOCAR-ın Ekologiya İdarəsinin rəisi Azər Əliyev bildirib.

İdarə rəisinin sözlərinə görə, mərkəz üç məntəqədən ibarət olacaq: “Məntəqələr üçün yer müəyyənləşib, torpaq ayrılması başa çatıb. Məntəqələr Qaradağ rayonunda, Nəriman Nərimanov adına Neft-Qazçıxarma İdarəsinin ərazisində, Pirallahı rayonunda, Çilov adasında yerləşən “28 May” NQÇİ-nın ərazisində və Pirallahı rayonunda, Dübəndi Neft Terminalının ərazisində yerləşəcək. Məntəqələr müvafiq olaraq 1,5 ha, 2 ha və 0,76 ha ərazini əhatə edəcək”.

SOCAR rəsmisi qeyd edib ki, hazırda layihələndirmə işləri davam edir və 2018-ci ildə layihə aktiv icra mərhələsinə keçəcək: “Mərkəzin yaradılmasında beynəlxalq təcrübənin, beynəlxalq layihə məsləhətçisinin cəlb edilməsi nəzərdə tutulur. Mərkəzdə həmçinin qabaqcıl təcrübənin öyrənilərək tətbiqi nəzərdə tutulur. Mərkəzin əsas fəaliyyəti neft dağılmalarının ləğvinə yönəldiləcək”.

OilGas.az

79 baxış
BƏNZƏR XƏBƏRLƏR
MÜZAKİRƏ