“Şahdəniz”dən hasilat bərpa edilib

“Şahdəniz”dən hasilat bərpa edilib

“Şahdəniz” qaz-kondensat yatağından hasilat bərpa olunub.

OilGas.az xəbər verir ki, bu barədə AZƏRTAC-a “Şahdəniz” yatağının işlənməsi layihəsinin əməliyyatçısı BP şirkətindən məlumat verilib.

Bildirilib ki, “Şahdəniz”in illik iş proqramının bir hissəsi olaraq “Şahdəniz Mərhələ 1” platformasında, Səngəçal terminalındakı “Şahdəniz” qurğularında və Cənubi Qafqaz Boru Kəməri (CQBK) sistemində planlaşdırılmış profilaktik işlər proqramı yekunlaşıb. Bu işlər, müntəzəm inspeksiya, profilaktik işlər və layihənin yerinə yetirilməsi üçün həyata keçirilib.

Qeyd edilib ki, işlər uğurla və təhlükəsiz yekunlaşıb, bütün sistem tam gücünə çatdırılıb. “Şahdəniz”dən Türkiyə və Gürcüstana qaz ixracı da bərpa olunub.

Xatırladaq ki, bu il avqust ayının 14-dən başlayaraq “Şahdəniz Mərhələ 1” platformasından planlaşdırılmış profilaktik işlər, inspeksiya və layihə işlərinin effektiv şəkildə aparılması üçün hasilat dayandırılmışdı.

OilGas.az

231 baxış
BƏNZƏR XƏBƏRLƏR
MÜZAKİRƏ