Piratların qaçırdığı yanacaq daşıyan tankerdən xəbər var

“Marine Express” tankeri 22 nəfərlk gənizçi heyətilə birlikdə piratların girovluğundan azad edilib.

OilGas.az xəbər verir ki, bu barədə “Anglo-Eastern Group” şirkətinin Tvitter hesabında məlumat verilib.

“Fevralın 1-dən piratlar tərəfindən zəbt edilən “Marine Express”in kapitan və heyət üzvlərinin nəzarətinə keçdiyini xəbər verməyə şadıq. Bütün heyət üzvləri sağ-salamatdırlar. Yük ziyan görməyib”, -deyə məlumatda bildirilib

Qeyd edək ki, Panamada qeydiyyatdan keçən “Marine Express” tankeri ilə sonuncu dəfə yanvarın 31-də əlaqə qurulub. Göyərtəsində Hindistan vətəndaşlarından ibarət heyət olan gəmi 13,5 min ton yanacaq daşıyıb. Gəminin məhz ümumi dəyəri 8,1 milyon dollar olan yanacağa görə piratlar tərəfindən qaçırıldığı ehtimal edilirdi.