Pakistan Shell şirkətindən kompensasiya tələb etdi – 2 milyon dollar

Pakistan hakimiyyəti “Royal Dutch Shell” neft şirkətinin yerli filialı “Shell Pakistan Ltd”dən 2 milyon dollar məbləğində kompensasiya tələb edib.

OilGas.az Reuters agentliyinə istinadən xəbər verir ki, hakimiyyət avtosisterndə partlayış qurbanları və dağıntılara görə “Shell Pakistan Ltd”ni günahkar bilib.

Xatırladaq ki, iyunun 25-də Pakistanın Baxavalpur şəhərində (Pəncab əyaləti) yanacaq çəni partlayıb. Baş verən partlayış nəticəsində 148 nəfər həlak olub.

OilGas.az