“OPEC İrana sanksiyaların nəticələrini kompensasiya edə bilər” – Əl-Mazrui

“OPEC İrana sanksiyaların nəticələrini kompensasiya edə bilər” – Əl-Mazrui

“ABŞ-ın İrana qarşı tətbiq etdiyi sanksiyaların nəticələrini kompensasiya etmək üçün OPEC-in kifayət qədər sərbəst gücü var”

OilGas.az Bloomberg agentliyinə istinadən xəbər verir ki, bu sözləri BƏƏ-nin energetika naziri Süheyl əl-Mazrui deyib.

“Neft bazarında təkliflə bağlı narahat olmayın. ABŞ-ın sanksiyaları ucbatından hər hansı problemlərin baş verəcəyini düşünmürəm”,-deyə nazir qeyd edib.

Nazir OPEC-in istifadə olunmamış istehsal güclərinin həcmini açıqlamayıb. O əlavə edib ki, bu məsələ iyun ayında keçirilməsi planlaşdırılan görüşdə müzakirə olunacaq.

Əl-Mazruinin sözlərinə görə, BƏƏ neft qiymətlərində bu sahəyə investisiya yatırımlarını stimullaşdıracaq müəyyən səviyyənin əldə olunmasına çalışacaq.

104 baxış
BƏNZƏR XƏBƏRLƏR
MÜZAKİRƏ