Novak və Xalid əl-Falih görüşdü – OPEC+ müzakirə olundu

Rusiyanın energetika naziri Aleksandr Novak Səudiyyə Ərəbistanının energetika naziri Xalid əl-Falihlə ikitərəfli görüş keçirib.

OilGas.az Rusiya mətbuatına istinadən xəbər verir ki, tərəflər arasında OPEC+ sazişi, eləcə də neft-qaz sahəsində qarşılıqlı fəaliyyət, geoloji kəşfiyyat və atom enerjisi sahəsində əməkdaşlıq müzakirə olunub.

Görüş zamanı Novak neft hasilatının azaldılması barədə OPEC+ sazişinin bazara təsirini müsbət dəyərləndirib:

“Bazar ehtiyat həcmlərinin azaldılması üçün səylərimizin uğurunu görür və müsbət şəkildə reaksiya verir”.