Novak söz verdi: Rusiya OPEC+ sazişinə mayda tam əməl edəcək

Novak söz verdi: Rusiya OPEC+ sazişinə mayda tam əməl edəcək

Rusiya şirkətləri may ayında neft hasilatının azaldılmasına dair sazişin (OPEC+) şərtlərini tamamilə yerinə yetirməyə çalışacaqlar.

OilGas.az xəbər verir ki, bunu Rusiyada energetika naziri vəzifəsini icra edən Aleksandr Novak deyib. O, sazişi 100% yerinə yetirməyin Rusiyanın məqsədi olduğunu vurğulayıb.

Qeyd edək ki, mart və aprel aylarında Rusiya OPEC+ çərçivəsində götürdüyü öhdəliklərə müvafiq olaraq 93,4% və 95,2% əməl edib.

Xatırladaq ki, 2016-cı ilin sonlarında OPEC və kartelə daxil olmayan bir qrup neft istehsalçısı olan ölkə neft hasilatının azaldılmasına dair saziş imzalayıb. Saziş ilk olaraq 2017-ci ilin birinci yarımilliyi üçün nəzərdə tutulsa da, sonradan müddəti 2018-ci ilin sonuna qədər uzadılıb. Saziş çərçivəsində Rusiya gündəlik hasilatı 300 min barel azaltmaq barədə öhdəlik götürüb.

271 baxış
BƏNZƏR XƏBƏRLƏR
MÜZAKİRƏ