Nəhəng neft şirkətləri məhkəməyə verildi: BP, Chevron, Exxon… – SƏBƏB

Nyu-York hakimiyyəti 5 nəhəng neft şirkətinə qarşı məhkəmə iddiası qaldırıb.

OilGas.az şəhərin rəsmi saytına istinadən xəbər verir ki, hakimiyyət Nyu-Yorku qlobal istiləşmənin nəticələrindən qorumaq üçün kompensasiya əldə etmək istəyir.

“Nyu-York iqlim dəyişikliklərinin nəticələrindən şəhər sakinlərini qorumaq üçün sərf etdiyi milyardlara görə BP, Chevron, ConocoPhillips, Exxon Mobil və Royal Dutch Shell şirkətlərindən kompensasiya almağa çalışır”, -deyə şəhərin meri Bill de Blazio bildirib.

Merin sözlərinə görə, bu şirkətlər öz fəaliyyətlərinin doğuracağı aqibətdən məlumatlı olublar. Lakin gəlirlərini qorumaq üçün cəmiyyəti qəsdən yanıldıblar.

OilGas.az