Neftin qiyməti 70 dollara yüksələcək – Daniel Yergindən proqnoz

2018-ci ildə Brent markalı neftin bir barelinin dəyəri 60-70 dollar diapazonunda dəyişəcək.

OilGas.az Bloomberg agentliyinə istinadən xəbər verir ki, bunu Pulitzer mükafatı laureatı, “IHS” beynəlxalq araşdırma şirkətinin vitse-prezidenti Daniel Yergin deyib. Onun sözlərinə görə, dünya iqtisadiyyatının güclü inkişafı “qara qızıl”a olan tələbi yüksək həddə saxlayacaq:

“ABŞ-ın neft hasilatının həcmini artırmaq üçün böyük potensialı var. WTI markalı neft təxminən 55 dollar səviyyəsində stabilləşərsə, ABŞ-da gündəlik şist neft hasilatı 0,6 mln barel yüksələ bilər. WTI markalı neft təxminən 60 dollar səviyyəsində stabilləşərsə, ABŞ-da gündəlik şist neft hasilatı 0,9 mln barel yüksələ bilər”.

OilGas.az