Qazaxıstanda neft yatağında yanğın – 1 ölü, 3 yaralı

Qazaxıstannın Maqnistaus vilayətində yerləşən “Komsomol” neft yatağında yanğın baş verib.

OilGas.az xarici mediaya istinadən xəbər verir ki, hadisə nəticəsindfə 1 nəfər ölüb, daha 3 nəfər yanğın xəsarətləri alıb. Onlardan birinin bədəni 60% yanıb, həmin şəxs reanimasiyaya yerləşdirilib.

Məlumata görə, quyuda təmir işləri aparılarkən drenaj tutumu alışıb. Yanğının sahəsi 40 m2 təşkil edib.

Hadisə yerinə çox sayda yanğınsöndürən briqada cəlb olunub. Yanğınsöndürənlər yanğının qarşısını almağa müvəffəq olublar.