Neft tankeri balıqçı qayığıyla toqquşdu

Səudiyyə Ərəbistanının milli neft şirkəti “Saudi Aramco”ya məxsus bir tanker balıqçı qayığı ilə toqquşub.

OilGas.az xarici mediaya istinadən xəbər verir ki, El-Hafeci sahilində baş verən qəza nəticəsində içərisində hindistanlıların olduğu balıqçı qayığı tərs çevrilib. Qayıqdakı heyətdən 4 nəfəri xilas etmək mümkün olub. Lakin bir nəfər hələ də itkin hesab olunur.

Hazırda ərazidə axtarış-xilasetmə işləri aparılır.

Qəzanın hansı səbəbdən baş verməsinə dair məlumat yoxdur.

OilGas.az