Neft şirkətinin şöbə rəhbəri saxlanıldı – “Qanuni oğru”ya görə

Rusiyanın Federal Təhlükəsizlik Xidməti (FTB) “Rosneft” neft şirkətinin hüquq şöbəsinin rəhbərini saxlayıb.

OilGas.az xarici mediaya istinadən xəbər verir ki, Rusiya İstintaq Komitəsinin Moskva şəhəri üzrə istintaq idarəsinin keçmiş rəhbəri Aleksey Kramarenko “kriminal general” “Şakro Molodoy” ləqəbli Zaxari Kalaşovdan rüşvət götürməkdə ittiham olunur.

Hüquq-mühafizə orqanlarındakı mənbədən verilən məlumata görə, Kramarenkoya qarşı məhkəmədə azadlıqdan məhrumetmə vəsatəti qaldırılacaq.

Qeyd edək ki, bu ilin iyul ayında Aleksey Kramarenko, onun müavini Aleksandr Xurtsilav, eləcə də xüsusi işlərin istintaqçısı Andrey Bıçkov “qanuni oğru” “Şakro Molodoy”un işinə görə istefa veriblər.

OilGas.az