Neft oğruları tutuldu

Türkiyədə neft oğruları həbs olunub.

OilGas.az türk mediasına istinadə xəbər verir ki, Ceyhan-Kırıkkale boru kəmərindən oğurluq edən şəxslər barədə 2 ildir axtarış elan olunsa da, onları yalnız indi ələ keçirmək mümkün olub.

Niğde jandarması tərəfindən boru kəmərinin keçdiyi bölgə təlim görmüş itlər vasitəsilə nəzarətə götürülüb. Boru kəmərinin 169-cu kilometrində dayanan furqonda 5 ton xam neft tapılıb. Qaranlıqdan istifadə edib qaçan 5 şübhəli siqnal təqibiylə saxlanılıb.

Şübhəlilər növbətçi məhkəmənin qərarıyla həbs olunublar.

Qeyd edək ki, neft kəməri Türkiyənin “Botaş” şirkətinə məxsusdu.

OilGas.az