Neft gələn il 40 dollar olacaq – Nazir müavini

Neft hasilatının azaldılması barədə Vyana sazişinin müddəti başa çatdıqdan sonra “qara qızıl”ın qiyməti 40 dollar olacaq.

OilGas.az Tass-a istinadən xəbər verir ki, bunu Rusiya maliyyə nazirinin müavini Vladimir Kolıçev bildirib. Onun sözlərinə görə, bu, 2018-cı ilin ilk rübündə baş verə bilər.

V.Kalıçev qeyd edib ki, nazirlik makroiqtisadi proqnozlarını dəyişdirməli olacaq.

Xatırladaq ki, ötən il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barel azaldılması barədə sazişə imza atıb. Saziş 2017-ci ilin birinci yarısı üçün bağlanıb və may ayının 25-də müddət 9 ay uzadılıb.

Saziş çərçivəsində Rusiya neft hasilatını gündəlik 300 min barel azaltmaq barədə öhdəlik götürüb.

OilGas.az