“Neft Daşları”nda yeni quyu qazılır

“Neft Daşları” yatağında 2585 nömrəli stasionar dəniz özülündən 2584 nömrəli quyuda qazma işlərinə başlanılıb.

OilGas.az SOCAR-a istinadən xəbər verir ki, “Azneft” İstehsalat Birliyi “Neft Daşları” Neft və Qazçıxarma İdarəsinin sifarişi ilə Kompleks Qazma İşləri Tresti tərəfindən Qirməki Üstü Qumlu Lay Dəstəsinə qazılan quyunun layihə dərinliyi 2800 metrdir.

Geoloqların hesablamalarına əsasən, quyudan gündəlik 20 ton neft və 2000 kubmetr qaz hasil olunacağı nəzərdə tutulur.

OilGas.az