Neft daşıyan tankerə həbs qoyuldu – Borca görə

Rusiyanın Yaroslavl vilayətində “Volqoneft-38” tankerinə həbs qoyulub.

OilGas.az xarici mediaya istinadən xəbər verir ki, buna səbəb neft daşıyan tankerin sahibinin banka olan borcunu ödəməməsi olub.

Məlumata görə, həmin şəxs ünvanına bir neçə dəfə xəbərdarlıq göndərilməsinə də məhəl qoymayıb. Nəticədə kreditor məhkəməyə müraciət edib. Məhkəmə isə borcun ödənilməsi üçün girov qoyulan əmlakın satılmasına qərar verib.

Əgər tankerin sahibi borcunu tam həcmdə ödəməsə, tanker satışa çıxarılacaq. Məhkəmə onun dəyərini 61 milyon rubl məbləğində qiymətləndirib.

OilGas.az