Gürcüstanın Azərbaycandan elektrik enerjisi idxalı azalıb

Bu ilin yanvar-oktyabr aylarında Gürcüstan Azərbaycandan 41,057 mln dollar dəyərində elektrik enerjisi idxal edib.

Oilgas.az xəbər verir ki, bu barədə Report-un yerli bürosuna Gürcüstanın Milli Statistika İdarəsindən bildirilib.

Azərbaycanın qonşu ölkəyə ixrac etdiyi elektrik enerjisi məbləğ baxımından illik müqayisədə 20,4 min dollar azalıb.

2018-ci ilin eyni dövründə Gürcüstan Azərbaycandan 41,077 mln dollar dəyərində elektrik enerjisi tədarük edib.