Gürcüstanda qazlaşdırma genişləndirilir

2020-2021-ci illərdə Gürcüstanda əlavə 100 yaşayış məntəqəsi təbii qazla təmin ediləcək ki, nəticədə 20 min ailə təbii qazdan istifadə edə biləcək.

Oilgas.az xəbər verir ki, bu barədə Gürcüstanın İqtisadiyyat və Davamlı İnkişaf naziri Natia Turnava hökumətin iclasından sonra jurnalistlərə açıqlamasında bildirib.

“Nazirliyin yenilənmiş üçillik qazlaşdırma planına əsasən, əlavə 100 yaşayış məntəqəsinə qaz xətləri çəkiləcək. 2020-ci və 2021-ci illərdə həyata keçiriləcək bu layihələr çərçivəsində Gürcüstanda əlavə 20 min abonent və ya 20 min ailə təbii qazla təmin ediləcək”, – deyə N. Trunava bildirib./APA/