Ələkbərov neft qiymətlərinin yüksəlməsindən qorxur – Səbəb

Rusiyanın “LUKoil” neft şirkətinin rəhbərliyi yüksək qiymətlərdən çəkinir və neft hasilatının azaldılması barədə Vyana sazişindən yumşaq şəkildə çıxmağı təklif edir.

OilGas.az xarici mediaya istinadən xəbər verir ki, bu barədə Rusiya energetika həftəsi çərçivəsində “LUKoil” şirkətinin prezidenti Vahid Ələkbərov açıqlama verib. O, sazişi vaxtında tərk etməyin vacibliyindən bəhs edib:

“Bu gün məni aşağı qiymətlərlə yanaşı çox yüksək qiymətlər də qorxudur. Mən şəxsən qiymətlərin 60 və ya 70 dollara olmasına tərəfdar deyiləm. Bu, 2014-cü ildəki nəticələri doğura bilər. Odur ki, sazişə vaxtında qoşulmaqla yanaşı, zamanında buradan çıxmaq lazımdır. Yoxsa bazar defisitlə üzləşər”.

OilGas.az