Çində kömür mədənində qəza – Ölənlər var

Çinin şərqindəki Futszyan əyalətində kömür mədənində qəza baş verib.

OilGas.az Trend-ə istinadən xəbər verir ki, hadisə nəticəsində 5 mədənçi həlak olub.

Bildirilir ki, qəza zamanı mədəndə 9 nəfər olub. Onlardan 1 nəfər xəsarət alıb, 2 nəfər zərər çəkmədən xilas edilib. Daha 1 nəfərin axtarışları aparılır.

Qeyd olunur ki, müəssisənin direktoru saxlanılıb. Hadisənin səbəbləri ilə bağlı araşdırma başlayıb.