Bu ölkələr OPEC+ müddətsiz xartiyasını ratifikasiya edib

OPEC+ sazişində iştirak edən bir sıra ölkələr OPEC+ müddətsiz xartiyasını ratifikasiya edib.

Oilgas.az xəbər verir ki, OPEC-in Baş katibi Məhəmməd Barkindo Sinqapurda keçirilən Asiya-Sakit Okean Neft Konqresi çərçivəsində bildirib:

“Ratifikasiya hər bir ölkə üçün individual prosesdir. Ancaq bəzi ölkələr artıq bunu edib. Məsələn, Omanla İraq xartiyanı artıq təsdiqləyib”.

Qeyd edək ki, 24 OPEC+ ölkəsi iyulda Vyanada keçirilən iclasda müddətsiz əməkdaşlıq xartiyası imzalayıb.