Bu il Ceyhan limanından dünya bazarına nə qədər Azərbaycan nefti çıxarılıb?

Bu ilin aprel ayı ərzində 2 085 526 ton Azərbaycan nefti Ceyhan limanından (Aralıq dənizi, Türkiyə) dünya bazarlarına çıxarılıb.

OilGas.az Azərbaycan Dövlət Neft Şirkətinə (SOCAR) istinadən xəbər verir ki, bu həcmin 1 467 117 tonunu Azərbaycan Dövlət Neft Fondunun nefti təşkil edib.

Cari ilin yanvar-aprel aylarında Ceyhan limanından ixrac olunmuş neftin həcmi 8 039 435 ton təşkil edib.

Ümumiyyətlə, BTC istismara verilən gündən (2006-cı il, iyun) 2017-ci il may ayının 1-ə qədər Ceyhan limanından 327 874 034 ton Azərbaycan nefti dünya bazarlarına yola salınıb.

OilGas.az