BTC ilə tranzit neftin nəqli 28% azalıb

Bu ilin yanvar-sentyabr aylarında Bakı-Tbilisi-Ceyhan (BTC) neft ixrac kəməri ilə 21,65 mln. yaxın neft nəql edilib ki, bu da ötən ilin müvafiq dövrü ilə müqayisədə 6%-a yaxın azdır.

Oilgas.az-ın Dövlət Statistika Komitəsinə istinadən verdiyi məlumata görə, hesabat dövründə BTC kəməri ilə 3,43 mln. tondan artıq tranzit nefti də nəql edilib. Bu, illik müqayisədə 28,3% azdır.

Komitənin məlumatına əsasən, ötən dövr ərzində Azərbaycanın magistral neft kəmərləri ilə 29,38 mln. tona yaxın neft nəql edilib (4,86%-lik azalma).