“Brent neftinin dəyəri 85 dollara çata bilər”

“Brent neftinin dəyəri 85 dollara çata bilər”

“Çinin neftə artan tələbi fonunda hasilat dəyişməzsə, o zaman neftin qiymətində yüksəlişlər davam edəcək”

OilGas.az xəbər verir ki, bu sözləri İqtisadi və Sosial İnkişaf Mərkəzinin (CESD) rəhbəri, iqtisadçı-alim Vüqar Bayramov deyib. Onun sözlərinə görə, OPEK-in hal-hazırda 2 seçimi var və bu seçimdən asılı olaraq Brent markalı neft 65 dollaradək ucuzlaşa və ya 85 dollaradək bahalaşa bilər:

“ABŞ OPEK-dən gündəlik neft hasilatının 1 milyon barel artırılmasını istəyir. Düz 2 həftə sonra bir araya gələcək OPEK+ üzvləri neftin mövcud yüksək qiymətləri fonunda hasilata yenidən baxmalıdır. Belə görsənir ki, hasilatın artırılmasını yalnız ABŞ istəmir, həmçinin bir sıra digər ölkələr, o cümlədən də Rusiya da bu məsələyə isti yanaşır. Rusiya Prezidentinin neftin 1 barelinin qiymətinin 60 dollar olmasının ölkəsi üçün məqbul olduğunu deməsi də bundan xəbər verir. Aydındır ki, Səudiyyə Ərəbistanı əksər və yəqin ki bütün hallarda Vaşinqtondan gələn mesajlara diqqətlə yanaşır. Bu isə o deməkdir ki, ABŞ hasilatın artırılması ilə bağlı istəyində sonadək dayanarsa, o zaman OPEK dünya bazarına daha çox “qara qızıl” çıxarmağa başlayacaq. Digər tərəfdən, Çinin neftə artan tələbi fonunda hasilat dəyişməzsə, o zaman neftin qiymətində yüksəlişlər davam edəcək.

Bu isə o deməkdir ki, OPEK-in hal-hazırda 2 seçimi var: ya 2 həftə sonra ABŞ-ın istəyinə uyğun olaraq hasilatı gündəlik 1 milyon barel artırmaqla bazara daha çox neft çıxarmaq və ya mövcud hasilatı saxlamaqla dünya bazarında tələbin təklifdən artıqlığını qoruyub saxlamaq. Birinci halda, neftin dünya bazar qiymətində yenidən azalmalar qaçılmazdır. Bu halda Brent markalı neft 65 dollaradək ucuzlaşa bilər. İkinci halda isə neftin qiyməti yenidən yüksələcək və Brent markalı nefti 1 bareli hətta 85 dollara çata bilər. OPEK hansı yolu seçəcək? Bu həm də Ağ Evdən gələn yeni mesajlardan asılı olacaq” .

97 baxış
BƏNZƏR XƏBƏRLƏR
MÜZAKİRƏ