Bazar Vyanadan xəbər gözləyir – OPEC+ nə qərar verəcək?

Bazar Vyanadan xəbər gözləyir – OPEC+ nə qərar verəcək?

Bu gün Vyanada OPEC və digər neft istehsalçısı ölkələrin nazirləri görüşəcək.

OilGas.az xəbər verir ki, görüşdə neft hasilatının azaldılması barədə OPEC+ sazişinin müddətinin uzadılacağı gözlənilir.

Ekspertlərin fikrincə, dövlətlər sazişin müddətinin uzadılmasına dair yekdil qərar verəcək. Tərəflərin sazişin genişləndirilməsi dair razılaşıb-razılaşmayacağı məlum olmasa da, əlavə 10 ölkənin sazişə qoşulmaq ehtimalı var.

Ötən gün sazişin monitorinq komitəsi müddəti uzatmağı tövsiyə edib. Lakin  Küveytin neft naziri Əssam əl-Marzukun da vurğuladığı kimi bu sadəcə tövsiyələrdən biridir. Danışıqlar hələ bu gün də davam etdiriləcək.

Bundan əlavə, Vyanada neft hasilatçısı ölkələr sazişin hansı şərtlərlə uzadılmalı olduğuna qərar verməlidirlər. Hazırda sazişin 6 ay, 9 ay və bir il müddətinə uzadılması variantları nəzərdən keçirilir.

Rusiyanın energetika naziri Aleksandr Novak qeyd edib ki,  hər şey tövsiyələr çərçivəsində olacaq. Bu o deməkdir ki, ölkələr böyük ehtimalla, hasilatın daha böyük həcmdə məhdudlaşdırılmasına razılaşmayacaqlar.

Hazırda OPEC+ qarşısında dayanan başlıca hədəf bazarda balansa nail olmaq üçün neft qiymətlərini 50-60 dollar həddində saxlamaqdır.

Bazar sazişin müddətinin uzadılacağını gözləyir. Odur ki, bundan imtina neftin sürətlə ucuzlaşmasına səbəb ola bilər.

Xatırladaq ki, 2016-cı ilin sonlarında neft hasilatçısı ölkələr hasilatı gündəlik 1,8 milyon barel azaltmaq barədə razılaşıblar. 2017-ci ilin birinci yarımilliyi üçün bağlanan sazişin müddəti may ayında 2018-ci il martın 31-ə qədər uzadılıb.

OilGas.az

120 baxış
BƏNZƏR XƏBƏRLƏR
MÜZAKİRƏ