Bakı sakinindən maraqlı ixtira: Tullantılardan neft istehsal edir – VİDEO

Bakı sakinindən maraqlı ixtira: Tullantılardan neft istehsal edir – VİDEO

Neftdən, rezin, kauçuk plastik maddələr alındığını yəqin ki bir çoxumuz bilirik. Bəs əksini necə? Məsələn, təkərdən, kauçukdan neft almaq olarmı?

Maraqlısı budur ki, paytaxt sakini kustar üsulla düzəltdiyi avadanlıq vasitəsi ilə plastik tullantılarından neft əldə edir. Hətta həmin neftdən digər bir avadanlıq vasitəsi ilə həm benzin , həm də dizel yanacağı əldə edə bilir.

İşlənmiş təkər, plastik qablar və sellofanlar. Paytaxt sakini Ramin İsmayılov bu tullantılardan neft və qaz ala bilən xüsusi avandlıq hazırlayıb.

Neftin alınması üçün tullantılar sobanın içinə yığılır, qapağı möhkəm şəkildə bağlanılır və altı yandırılır. Daha sonra həmin tullantılar buxar halında borulara dolur.

1 saata yaxın çəkən bu prosesdən sonra xüsusi çəndə toplanan nefti götürmək olur.

Bu üsulla 100 kq tullantıdan 75 litrə kimi neft almaq mümkündür.Eyni üsullu işləyən digər avadanlıq isə nefti dizel və benzin yanacağına çevirməyə imkan verir.

Ramin İsmayılov bu üsulla hər iki növ yanacağıda əldə edə bilir. Onun sözlərinə görə, bu yanacaqları müxtəlif sahələrdə istifadə etmək olar.

Avadanlıqı hazırlayan həmin şəxs bildirib ki, hətta benzin yanacağını süzgəcdən keçirib, oktan ədədini öyrəndikdən sonra minik avtomobillərində də istifadə etmək olar. Ramin İsmayılovun əsas istəyi maliyyə dəstəyi taparaq bu avadanlıqın daha böyük və təkmil formasını hazırlamaqdır. (Xəzərxəbər)

629 baxış
BƏNZƏR XƏBƏRLƏR
MÜZAKİRƏ