“Azəriqaz” abunəçilərinin sayı açıqlandı

“Azəriqaz” abunəçilərinin sayı açıqlandı

Bu ilin yanvar-aprel ayları ərzində SOCAR-ın “Azəriqaz” İstehsalat Birliyində əhali sektoru üzrə 31 062 yeni abonent qeydiyyata alınıb ki, bunun da 19 717-si Bakı, Abşeron və Sumqayıt, 11 345-ü isə regionlar üzrədir.

“Azəriqaz”dan OilGas.az-a verilən məlumata görə, yeni abonentlərin sayının artmasında abonent bazasının daha da genişləndirilməsi istiqamətində işlərin aparılması, yaşayış məntəqələrinin qazlaşdırılması və qaz təminatının bərpa edilməsi, həmçinin təbii qazla təmin olunmuş ərazilərin genişlənən hissələrindəki fərdi yaşayış evlərinin qazlaşdırılması olub.

Bundan başqa Bakı şəhəri, ətraf qəsəbə və kəndlərdə abonentlərin qaz təchizatının yaxşılaşdırılması məqsədilə qaz kəmərlərinin yenidən qurularaq şəbəkənin genişləndirilməsi istiqamətində aparılan məqsədyönlü işlər öz müsbət nəticəsini göstərib. Aparılan işlər nəticəsində ölkə üzrə təbii qazla təmin olunan abonentlərin sayı 2 126 910-a çatıb.

947 baxış
BƏNZƏR XƏBƏRLƏR
MÜZAKİRƏ