Azərbaycanlı biznesmenlərin 2 milyardlıq təzminat davası

Azərbaycanlı biznesmenlərin 2 milyardlıq təzminat davası

Türkiyənin “Palmali” şirkəti Rusiyanın “LUKoyl” şirkətinin törəməsi “Litasco”nu məhkəməyə verib.

OilGas.az Reuters agentliyinə istinadən xəbər verir ki, Xəzər regionunda nəhəng daşıma şirkətlərindən biri olan “Palmali” “Litasco”nu şirkətlərarası uzunmüddətli müqavilənin tələblərini pozmaqda ittiham edir. London Ali Məhkəməsinə müraciət edən “Palmali” 2 milyard dollar məbləğində təzminat tələb edib.

“LUKoyl” şirkəti məlumatı şərh etməkdən imtina edib.

Qeyd edək ki, 1998-ci ildə Türkiyədə yaranan “Palmali Şirkətlər Qrupu” neft və neft məhsulları da daxil olmaqla yüklərin daşınmasını həyata keçirir. Şirkətin prezidenti azərbaycanlı iş adamı Mübariz Mənsimovdur. “LUKoyl” neft şirkətinin prezidenti isə azərbaycanlı biznesmen Vahid Ələkbərovdur.

OilGas.az

274 baxış
BƏNZƏR XƏBƏRLƏR
MÜZAKİRƏ