Azərbaycandan Gürcüstana elektrik enerjisinin ixracı artıb

Bu ilin səkkiz ayı ərzində Gürcüstan Azərbaycandan 37 mln. 772,6 min dollar dəyərində elektrik enerjisi idxal edib.

Oilgas.az xəbər verir ki, bu barədə ölkənin Milli Statistika İdarəsinin ilkin hesabatında bildirilib.

Azərbaycanın qonşu ölkəyə ixrac etdiyi elektrik enerjisi məbləğ baxımından illik müqayisədə 7434, 5 min dollar və ya 24,5% çoxdur.

Ötən ilin yanvar-avqust aylarında Gürcüstan Azərbaycandan 30 mln. 338,1 min dollar dəyərində elektrik enerjisi tədarük edib.