“Azərbaycan qazı artıq bu il TAP-la Avropaya çatdırılacaq” – Luka Şiyeppati

“Azərbaycan qazı artıq bu il TAP-la Avropaya çatdırılacaq” – Luka Şiyeppati

Bu ilin sonunadək Azərbaycan qazı Trans-Adriatik Boru Kəməri (TAP) vasitəsilə Yunanıstana çatdırılacaq.

Oilgas.az-ın verdiyi məlumata görə, bu barədə TAP-ın icraçı direktoru Luka Şiyeppati (Luca Schieppati) bildirib.

Onun sözlərinə görə, TAP-ın Yunanıstan hissəsi artıq bu ilin noyabr ayında qazla doldurulacaq və burada sınaq işləri aparılacaq. Bundan sonra, artıq 2020-ci ilin əvvəllərində, Azərbaycan qazı Albaniya ərazisinə daxil olacaq.

Qeyd edək ki, Azərbaycan qazı TAP ilə İtaliyaya 2020-ci ilin IV rübündə çatdırılacaq.

Xatırladaq ki, TAP-in inşasına başlanılandan bəri işlərin 89,3%-i yekunlaşıb. Cənub Qaz Dəhlizi layihəsinin bir hissəsi olan TAP kəməri ilə “Şahdəniz-2” layihəsi çərçivəsində hasil olunan qazın ilkin olaraq ildə 10 mlrd. kubmetrinin Avropaya nəqli nəzərdə tutulur. Bu boru kəməri Yunanıstan, Albaniya və Adriatik dənizindən keçməklə İtaliyanın cənubuna qədər uzanacaq.

Azərbaycan qazının Avropaya 2020-ci ildə çatdırılacağı nəzərdə tutulur./APA/

77 baxış
BƏNZƏR XƏBƏRLƏR
MÜZAKİRƏ