Azərbaycan dünya bazarlarına nə qədər neft çıxarıb?

Azərbaycan dünya bazarlarına nə qədər neft çıxarıb?

Xəzərin Azərbaycan sektorunda yerləşən “Azəri-Çıraq-Günəşli” (AÇG) yataqlar blokunun işlənilməsinə başlanıldığı 1997-ci ilin noyabrından 2017-ci ilin dekabrın 1-nə kimi olan müddətdə 445 mln. ton neft və 140 mlrd. kubmetr səmt qazı hasil edilib.

OilGas.az xəbər verir ki, bunu SOCAR-ın birinci vitse-prezidenti Xəşbəxt Yusifzadə “Respublika” qəzetində dəc olunan məqaləsində bildirib.

SOCAR-ın I vitse-prezidenti qeyd edib ki, sözügedən tarixə qədər dünya bazarlarında Azərbaycanın payına düşən 250 mln. ton mənfəət nefti satılıb. Bu da dünya bazarlarında realizə olunmuş bütün mənfəət neftinin 56%-ni təşkil edir. Həmin tarixə qədər dünya bazarlarına təxminən 460 mln. ton neft çıxarılıb ki, bunun da 350 mln. tona qədəri Bakı-Tbilisi-Ceyhan (BTC) kəməri ilə nəql edilib.

Qeyd edək ki, Azəri, Çıraq və dərinsulu Günəşli yataqlar blokunun işlənməsin dair müqavilə 1994-cü il 20 sentyabr tarixində imzalanıb. 2017-ci ilin 14 sentyabrında Azərbaycan hökuməti və tərəfdaşlar arasında Azəri, Çıraq və dərinsulu Günəşli üzrə dəyişdirilmiş və yenidən işlənmiş hasilatın pay bölgüsü sazişini imzalanıb.

OilGas.az

260 baxış
BƏNZƏR XƏBƏRLƏR
MÜZAKİRƏ