“Azərbaycan AÇG-dən indiyədək 258 milyon ton mənfəət nefti əldə edib” – Xoşbəxt Yusifzadə

“İndiyədək “Azəri-Çıraq-Günəşli” yataqlar blokundan hasil edilən 258 mln. tondan çox mənfəət nefti dünya bazarlarında realizə olunub”

OilGas.az xəbər verir ki, bu barədə Bakıda keçirilən 25-ci yubiley “Caspian Oil and Gas” konfransında SOCAR-ın birinci vitse-prezidenti, akademik Xoşbəxt Yusifzadə deyib.

“Artıq 19 ildir ki, “Azəri-Çıraq-Günəşli” layihəsinin iştirakçıları mənfəət neftindən gəlir əldə edirlər. 1997-ci ilin noyabrından 2017-ci il mayın 1-dək AÇG-dən 455 mln. ton neft və 145 mlrd. kubmetr qaz hasil edilib. Bu da dünya bazarında realizə olunmuş bütün mənfəət neftinin 60 faizini təşkil edir”, -deyə Yusifzadə qeyd edib.