2040-cı ildə qlobal enerji tələbatı 34 faiz artacaq

2040-cı ildə qlobal enerji tələbatı 34 faiz artacaq

Qlobal enerji tələbatının 2040-cı ildə ötən ilə nisbətən 34 faiz artaraq 19 milyard 177 milyon ton neft ekvivalentinə çatacağı gözlənilir.

Oilgas.az xəbər verir ki, bu barədə Beynəlxalq Enerji Agentliyinin (IEA) hesabatında deyilir.

Bildirilir ki, keçən il qlobal enerji tələbatı 14 milyard 314 milyon ton neft ekvivalentinə bərabər olub.

2040-cı ilə qədər dünyada ən böyük enerji tələbatı 8 milyard 208 milyon ton neft ekvivalenti ilə Çinin də daxil olduğu Asiya-Sakit Okean ölkələrində formalaşacaq. Bu bölgəni 2 milyard 686 milyon ton neft ekvivalent ilə Şimali Amerika izləyəcək.

Avropada isə enerjiyə tələbat 2040-cı ilədək 530 milyon ton neft ekvivalenti azalacaq. Bu azalmaya baxmayaraq, Avropa Asiya-Sakit Okean və Şimali Amerikadan sonra 1 milyard 723 milyon ton neft ekvivalenti ilə enerjiyə ən çox tələbat olan üçüncü bölgə olacaq. Avropanı 1 milyard 318 milyon ton neft ekvivalenti ilə Afrika və 1 milyard 206 milyon ton neft ekvivalenti ilə Yaxın Şərq bölgəsi izləyəcək.

55 baxış
BƏNZƏR XƏBƏRLƏR
MÜZAKİRƏ